Radio Sunnmøre

Sjømannsprest i Alanya i Tyrkia

Per Inge Vik er tidlegare sogneprest i Nordre Sunnmøre prosti i fleire år, og no som pensjonist jobbar han fullt som prest i sjømannskyrkja i Alanya i Tyrkia saman med kona Kari. Arbeidet er variert og handlar om å vere der for nordmenn i området. Kyrkja arrangerer treffpunkt gjennom veka med ulikt program.

Høyr heile praten med Per Inge Vik, som er sjømannsprest i sjømannskyrkja i Alanya.

Broren - ei diktbok om relasjonar

I slutten av mars kjem diktboka Broren ut på markedet. Det er ei diktbok om relasjonar. Det fortel forfattar Fred Arne Andersen til Radio Sunnmøre. Han er lege, tidlegare teltmakar og gift med ei frå Sunnmøre. Han har ein tvillingbror som er utgongspunktet for at diktboka Broren vart til. Tankane starta der med relasjonen til dei nære, relasjonen til ein bror og spelar vidare på dette til relasjonen til Gud. Vi har tatt ein prat med Fred Arne Andersen for å høyre meir om kva som ligg bak dikta i boka Broren.

Høyr heile intervjuet med Fred Arne Andersen.

Kvardagspraten med Marit Stokken Berland_180325

Forrige veke var Marit Stokken Berland og Jarle Berland i Sogn og haldt møter. I Kvardagspraten fortel Marit oppglødd om møta som har vore og mykje å fortelle til lyttarane på Radio Sunnmøre. 

Håpskonsertar på Sunnmøre med Norea

Denne veka arrangerer Norea Håpskonsertar i Møre & Romsdal. Ein på Vestnes, i Volda og i Misjonssalen Ålesund. I tillegg skal Elisabeth Lillebø Sæth avslutte veka med ein eigen solokonsert på heimstaden Fiskå bedehus. Ho er utflytta vanylving som er både låtskriva, songar og komponist, og vil denne ettermiddagen dele ærleg om livet og om ei gudstru som har lyfta ho gjennom livets stormar. Høyr intervjuet med Elisabeth Lillebø Sæth, som til dagleg arbeidar i Norea med Håpets Kvinner.

Folkehøgskulestudentar på veg til Sør-Amerika

Denne veka er studentar frå Ålesund folkehøgskule på veg til Sør-Amerika. Før dei reiste var Hilde-Karin Steinshamn Mauky i studio for å fortelle om turen. Dei skal ha med seg kjentfolk på turen, som kan språket og kulturen, og opplevingane som venter er mange.

Høyr intervjuet med Hilde-Karin Steinshamn Mauky.

Jesus-kvinner om eit annleis val

Eit annleis val er tema på Jesus-kvinner i Ålesund på mandag. Ingrid Rødset, i leiargruppa for Jesus-kvinner, skal tale denne kvelden. Ho skal tale over det å tør å stå i eigne val når ho går mot straumen, og kva det krevjer av oss i tida vi lever i. Jesus-kvinner er eit tverrkyrkjeleg møtepunkt for damer i alle aldre.

Ord til ettertanke veke 11 Intervju med Victor Haram

Identitet og undring over det som står i Bibelen er i fokus denne veka når Victor Haram held ord til ettertanke. I rundt 20 år var Haram tilsett i Radio Sunnmøre, og no er han lærar ved Ålesund vidaregåande skule. Det å hjelpe ungdom å finne eigen identitet og vere med dei på vegen gjennom vidaregåande er noko han no ser stor verdi i. Den kristne trua gir Haram ei indre tryggheit og ei meining med livet. Høyr heile intervjuet og andaktene med Victor Haram.

Ord til ettertanke 10. mars av Victor Haram

Ord til ettertanke 11. mars av Victor Haram

Ord til etteratnke 12. mars av Victor Haram