Radio Sunnmøre

Markering av rusfri dag på Stedet

Mandag 8. juni inviterer Frelsesarmeen Stedet Ålesund til markering av rusfri dag med kafè. Erika Lynn Solli på Stedet inviterer alle til å kome og skåle rusfritt denne dagen. Det blir musikkinnslag, servering av Frelsesarmeens rusomsorg sin eigen eplemost Epleslang, og sal av mat og bakst.

Høyr heile intervjuet med Erika Lynn Solli om markering av rusfri dag 8. juni, og om arbeidet på Stedet.

Siste leir før sommaren for ImFUng Sunnmøre

Det er klart for siste leir før sommaren på Brusdalsheimen i regi av Imf Ung Sunnmøre. Miriam Mulelid, leiar, og Mathias Mulelid, fortel meir om leiren 19. -21. juni på Radio Sunnmøre.

Ungdomsteamet på Ellingsøya inviterer til lovsongskveld

- Det er Jesus vi skal vende blikket mot, og det er Jesus vi står der for. Eg tenker vi må prøve å gjere vårt beste og tenke på bodskapen bak det vi gjer, seier Julie Lothe (16) i U-teamet på Ellingsøy bedehus.

Fredag 5. juni inviterer U-teamet på Ellingsøy bedehus til lovsongskveld for fyrste gong. U-teamet består av ungdommar som syng og spelar i band. Fleire av dei er også med i styret i Seinfredag, som er ungdomsklubben annakvar fredag på bedehuset. Denne fredagen er 7. klassingane særskilt velkomne, sidan dei frå hausten er gamle nok til å starte på Seinfredag.

Lothe seier i intervjuet at alle aldre er velkomne til lovsongskvelden, og at det blir sunge både salmar og nyare lovsongar denne kvelden.

Høyr heile intervjuet med Julie Lothe. 

Konkurranseinstinkt på regionårsmøtet til Misjonssambandet Nordvest

I helga 29.- 31. mai var det regionårsmøtet i Misjonssambandet Nordvest. Det heile var på Høgtun folkehøgskule og regionleiar Steffen Stensland seier til Radio Sunnmøre at det var ei fantastisk helg. - Vi var litt spente sidan det ikkje var meldt strålande ver, men det kom og all uteaktivitet gjekk som planlagt, seier Stensland.

- Det vart meir som den familiefestivalen vi ynskja, legg Stensland til.

Det var både seminar, møter, årsmøte og konsert, og i tillegg til konkurranser med hardt konkurranseinstinkt.

Høyr heile rapporten frå helga i intervjuet med Steffen Stensland.

Prosjekt garasje på Emblemsfjellet

På Emblemsfjellet skal det no byggast ei garasje, og Per Ove Brudeli er prosjektleiar for prosjektet. Grunnen til at ein no skal byggje ei garasje, så er det eit ynskje ei lenge har hatt til løypemaskina som trakkar flotte skiløyper på Emblemsfjellet på snørike dagar.

I tillegg til ein spleis gjennom fleire år, så har no Sparebanken Møre, Sunndal Tinde sparebank, Sparebanken 1 og Ålesund kommune sponsa prosjektet.

Høyr heile intervjuet med prosjektleiar Per Ove Brudeli.

Søndagens tekst 7. juni

Søndagens tekst er henta i frå Matteus 3,11–12 og handlar om om dåp og omvending. Høyr samtalen med prost i Nordre Sunnmøre prosti, Karl Johan Bjørge, og journalist Ragnhild Kristine Vartdal Espelund, for å høyre meir om kva teksta handlar om.

 

Kvardagspraten

I Kvardagspraten denne veka tek vi ein telefon til Irene Krokeide Alnes, som denne veka er på Hermon høyfjellshotell. Det er klart for Gla Sang veke og det er rundt 80 påmeldt. Song -og musikk, god mat og turar i fjellet står på programmet. Vi får også høyre litt om nye gjestar i programmet ho har på Bedehuskanalen.

Høyr kvardagspraten med Irene Krokeide Alnes.

Konsert på Blindheim med trubadur Dag Arne Saltnes

Trubadur Dag Arne Saltnes er på turne og i kveld, tysdag 2. juni, skal han ha konsert på Blindheim bedehus. Saltnes er motorsyklist, musiker og ein utradisjonell forkynnar i kristne miljø. Han har tidlegare vore på Sunnmøre, og ikveld er det altså Blindheim bedehus som får besøk.

Radio Sunnmøre har tatt ein prat med Dag Arne Saltnes.

To store jubileumskonsertar for Arnold Eidslott 100 år

Det blir to store jubileumskonsertar for å markerer Arnold Eidslott 100 år denne veka. Den eine er i Volda 6. juni og den andre i Spjelkavik 7. juni. Ola Eide har eit par år vore i ein komite for å planlegge ein jubileumskonsert for å markere Eidslott, som er i frå Ålesund. 

Ola Eide fortel i eit intervju på Radio Sunnmøre om innhaldet i jubileumskonsertane.

Bekymring for nedbygging av palliativt tilbod i Ålesund

Konstituert overlege på palliativt team ved Ålesund sjukehus, Jakob Hunnes, er bekymra for nedbygging av det palliative tilbodet i Ålesund kommune. Det palliative teamet arbeidar som eit ressursteam inn mot dei gruppene som er alvorleg sjuke, har store lidingar, og også dei som går mot livets slutt. Ved Blindheim omsorgssenter har ein  i dag den einaste avdelinga i kommunen med eit slikt tilbod, og den er no trua av nedlegging.

Vi har tatt ein prat med konstituerande overlege, Jakob Hunnes, om bekymringa og omfanget av tilbodet i dag.