Radio Sunnmøre

Ord til ettertanke 11. juni

Ord til ettertanke av Karl Arne Austnes.

Ord til ettertanke 12. juni

Ord til ettertanke av Karl Arne Austnes.

Nyopning av Brukt & Nyttig i nye lokaler på Valderøya

Tysdag 9. juni var det nyopning av Brukt & Nyttig i nye lokaler på Valderøya. Bruktbutikken har no flytta til heilt nye lokaler der alt no er i same lokale, både møblar, nips, kle og leiker. Tidlegare var møblane på den nedlagte barneskulen, og resten var i lokale nede ved kaia. 

Det var stor glede og entusiasme over nyopninga, og nær hundre kundar møtte opp til opninga. Brukt & Nyttig er ein gjenbruksbutikk som er driven av frivillege, og alt overskotet går til barne - og ungdomsarbeidet i ImF Sunnmøre. I 2025 overførte butikken 600 000 kroner til Imf Ung Sunnmøre sitt arbeid.

Høyr intervjuet med Per Otto Hellevik, leiar for butikken, og fleire andre både frivillege og kundar som var på opninga.

Søndagens tekst 14. juni

I søndagens tekst handlar det om det store gjestebodet. Teksta som blir lest er Lukas 14, 15-24. Vi tek ein prat med Karl Johan Bjørge, prost i Nordre Sunnmøre prosti, om søndagens tekst.

Misjonsløp for Misjonsalliansen og Krik

Torsdag 4. juni var det misjonsløp på Møre Barne -og ungdomsskule Ålesund. Alle elevane var med og sprang runder for å samle inn pengar til Misjonsalliansen/KRIK og prosjektet "Idrett krysser grenser". Radio Sunnmøre var tilstades og fekk rapport direkte frå slitne løparar etter løpet.

Høyr heile reportasjen på Radio Sunnmøre.

Trusopplæring i Haram

Trusopplæringa i Haram har alt frå babysong, Tårnagent til karnevalgudsteneste, og det nyaste konseptet er middag på tvers. Trusopplærar i Haram, Christel Otterlei Bjerkeseth, har vore i studio for å fortelje om trusopplæringa i Haram. Ho fortel at dei driv ikkje med aktivitet for å ha aktivitetar, men for å gjere Jesus relevant i dag.

Høyr heile intervjuet med Christel Otterlei Bjerkeseth, trusopplærar i Haram.

Kvardagspraten med Marit Stokken Berland

I Kvardagspraten denne veka høyrer vi Marit Stokken Berland fortelle frå møtehelga på Hafslo bedehus i Sogn. Songgleda står høgt i denne bygda, med heile to kor som deltok på møta. Det å vere med i eit kor gir både samhald og songglede, og Stokken Berland fortel at ho er imponert over desse to kora ho fekk høyre der.

Høyr heile kvardagspraten med Marit Stokken Berland.

Periodeutflytta sunnmøring i nord

I serien utflytta sunnmøring har vi tatt ein prat med Jostein Molvær, frå Langevåg, som har blitt periodeutflytta sunnmøring til Nord-Norge. Då jobben hans innan forsikring opphøyrde i 2025 landa han på å ta ein tur til Finnmark. Der har han blitt kyrkjetenar og kyrkjegårdsarbeidar i Havøysund. Kona og familien bur i Langevåg, så Molvær fortel at det er ein midlertidig jobb.

Høyr heile intervjuet med Jostein Molvær, periodeutflytta sunnmøring til Finnmark.

100 år sidan poeten Eidslotts fødsel

I eit intervju med Arnold Eidslott i 2005, som aldri før har vore publisert, fortel han om tru og om diktninga si, som gjorde han til ein av landets fremste poetar.

-Grunnmotivet i all min diktning er mennesket og det evige, enklare sagt mennesket og dets skapande hemmelige skapar. Eg kan ikkje forstå at folk ikkje tror på Gud. Det er det mest latterlige eg høyrer. Då seier eg til dei; - kven trur du former dine ben i din mors liv, var det blinde molekylære forbindelser eller var det ein skapande ånd, seier Arnold Eidslott i eit intervju gjort i 2005. Den 10. juni i år er det 100 år sidan den kristne poeten og ålesundaren Arnold Eidslott vart fødd. Han høyrer til ein av dei fremste poetane i Noreg og døydde i 1018. Radio Sunnmøre har motteke eit intervju gjort av Johan Behrentz som aldri tidlegare har vore publisert.

I helga merkarst jubileet med konsert i Volda kyrkje laurdag, og i Spjelkavik kyrkje søndag.

Ny dagleg leiar på Orreneset Misjonssenter

Ny dagleg leiar er tilsett på Orreneset Misjonssenter. Sondre Bårnes har takka ja til stillinga frå 1. august 2026. Han er son til Anbjørg Bårnes, som går av som pensjonist i sommar, og fortel på Radio Sunnmøre at han har vakse opp på leirstaden. I 2018-2021 var Sondre Bårnes tilsett på Orreneset Misjonssenter før han og familien flytta til Egersund. Etter eit år kom dei heimatt til Sykkylven og han har dei siste åra vore tilsett i Møre Trafo. Bårnes er utdanna bakar, og han ser fram til å starte som dagleg leiar på Orreneset Misjonssenter 1. august.

Høyr heile praten med den nye daglege leiaren, Sondre Bårnes, på Radio Sunnmøre.