Radio Sunnmøre

I sommar kan du vere med på å segle i snart tusen år gamle spor og vere kystpilegrim på ein tredagars tur frå Herøy via Giske til Borgund og Valldal. Vi har tatt ein prat med sokneprest i Herøy kyrkje, Solfrid Leinebø Seljå, som saman med Herøy Kystmuseum arrangerer denne turen 12. juli i år.

I det siste har vi kunne høyre og lese om fleire stygge saker om born og unge som delar nakenbilete mot betaling, og i tillegg sel seksuelle tenester. Agder politidistrikt har gått ut og advart foreldre mot dette på facebook blant anna. 

Barnevakten arbeidar aktivt for å hjelpe foreldre med nettvett for born og unge. I vekas intervju tek vi ein prat om dette, og fagleg leiar i Barnevakten Kjellaug Tonheim Tønnesen oppfordrar foreldre til å vere årvakne istaden for å overvåke. 

I går landa Irene Krokeide Alnes med fly i Alta, saman med ei reisegruppe på 40 personar som saman skal på busstur i Finnmark med Plussreiser denne veka. Marit Stokken Berland og Steinar Harila er med som reiseleiarar, og allereie fyrste dag på tur fekk gjengen store opplevingar. Høyr kvardagspraten med Irene Krokeide Alnes.

Ei ny bølge med Covid-19 har kome over Thailand, og vaksineringa har starta. Ekteparet Lothe frå Ellingsøya er på andre året i Sjømannskyrkja på Pattaya i Thailand og har på grunn av korona ikkje fått kome heimatt på ei god stund. Dei ser fram til å få kome til Noreg på ferie og heim til sine nærmaste.

Sjømannskyrkja ynskjer å vere ei kyrkje på lette føter, ei kyrkje som snur seg fort om,  og det fortel Kristianne meir om i vekas intervju. Vi får høyre meir om korleis dagane plutseleg blir annleis enn ein fyrst hadde planlagt. Ho fortel og meir om hovudoppgåva deira som er å vere ei omsorgsfull kyrkje som ynskjer å bidra både til livsmeistring og det å bekrefte menneske sin verdi.

I serien Sjømannspresten tek vi denne veka ein prat med Kristianne Stendal Lothe, som saman med ektemannen Annstein Lothe arbeidar i Sjømannskyrkja på Pattaya i Thailand.