Radio Sunnmøre

Årsmøte for ImF Sunnmøre

Laurdag 13. juni var det årsmøte for Imf Sunnmøre på Ålesund folkehøgskule. Det var 70 stemmeberettiga delegatar til stades, og det var fyrste årsmøtet for den nye krinsleiaren Lars Petter Ødegaard. Dei mange avdelingane i Imf Sunnmøre utgjer ei breidde i arbeidet og vi tok ein prat med Ødegaard etter gjennomgongen av årsmeldinga. Vi fekk også ein prat med Oddveig Molnes, og med nyvalde til krinsstyret, Svein Folde.

Radio Sunnmøre kan også melde om ein engasjerande samtaledel etter at den formelle årsmøtedelen var unnagjort.

Høyr heile intervjuet på Radio Sunnmøre.

Kvardagspraten

I siste Kvardagspraten med Irene Krokeide Alnes før sommarferien, får vi høyre frå Gla Sang veka på Hermon høyfjellshotell. Takknemlegheit er noko Krokeide Alnes sit att med etter veka på Hermon. Vi tek ein prat om sommaren som ligg føre, og korleis ein kan halde trua ved like når forsamlingane tek sommarpause.

Høyr heile kvardagspraten med Irene Krokeide Alnes.

Fem nye truande til Immanuelkyrkja

Krig og urolegheiter pregar Midtausten og Israel dei siste månadane. Immanuelkyrkja i Tel Aviv har denne tida fått fem nye truande til kyrkja. Dei er no inne i bibelgrupper og får bibelundervisning. Pastor Eyvind Volle fortel til Radio Sunnmøre at det er eit lyspunkt i krigen når nye kristne kjem til kyrkja. Ekteparet Volle er for tida på studiepermisjon i Hellas og vi har tatt ein prat med Eyvind for å høyre litt om dagens status på både politikk og arbeidet i kyrkja.

Nytt salmeprosjekt på nynorsk

Fredag 12. juni vart «Salme 1 – Lik eit tre» utgitt, den første utgivinga frå SALMIST – eit nytt musikkprosjekt der alle dei 150 salmane i Bibelen skal få nye musikalske tolkingar. Låta blir framført av Rak Marie Hatløy Sætre (RAK) frå Eiksund på Sunnmøre og markerer starten på eit langsiktig kunstnarisk arbeid leia av komponist og pianist John Vegard Schow. 

Høyr intervjuet med John Vegard Schow på Radio Sunnmøre.

Sommaravslutning på Karaquiz i Langevåg

Tysdag 9. juni var det sommaravslutning på Karaquiz i Langevåg. Helge Åkernes tok turen og fekk ein prat med Thor Hurlen, Rune Molvær og Bjørn Tusvik.

100 års markering av Arnold Eidslott

Onsdag 10. juni var det jubileumsmarkering 100 år etter Arnold Eidslott sin fødselsdag. Eidslott var ein kjend poet frå Ålesund, og arva etter han har gått vidare. Guttorm Eidslott, son av Arnold, var tilstades på markeringa. Radio Sunnmøre fekk ein prat med Guttorm Eidslott i etterkant. Høyr heile intervjuet på Radio Sunnmøre.

Ord til ettertanke 8. juni

Ord til ettertanke av Karl Arne Austnes

Siste Gospelchurch før sommaren

Til helga er det siste Gospelchurch med Aalesund gospelkor før sommaren. Vi har tatt ein prat med dirigent Vidar Åsebø.

Ord til ettertanke 9. juni

Ord til ettertanke av Karl Arne Austnes

Ord til ettertanke 10. juni

Ord til ettertanke av Karl Arne Austnes