Radio Sunnmøre

Abort på kjønn skjer no på norske sjukehus

Ny rapport frå Menneskeverd fortel at abortar no skjer på norske sjukehus på grunnlag av kjønn aleine. Radio Sunnmøre har tatt ein prat med generalsekretær i Menneskeverd, Maria Elisabeth Selbekk, som fortel at dei har fått direkte rapportar frå helsepersonell som fortel at kvinner no tek abort grunna kjønn aleine. Dette advarte Menneskeverd om i god tid før regjeringa endra grensa for sjølvbestemt abort frå 12 veker til 18 veker. - I den forrige lova stod det i bioteknologilova at ein ikkje skulle opplyse om kjønn før veke 12, fordi ein ikkje ville ha aborter på kjønnsindikasjon i Noreg. Men no når ein har utvida til veke 18 treng ein ikkje oppgi nokon grunn om ein vil ta abort på grunn av kjønn, fortel Selbekk til Radio Sunnmøre. -Kjønn har ikkje lenger vore anerkjent av samfunnet for abort, men no er det fullt frislepp på det.

-Det er ei veldig trist utvikling. I Noreg har vi fordømt land i andre verdsdelar der dette har blitt utbreidt, der jenterfoster blir systematisk valt bort på grunn av kulturelle eller religiøse hensyn, at ein heller ynskjer seg ein gut eller ei jente.

-Eg fryktar at no når det er mogleg å sortere på kjønn, at det blir ein slags rettighet når ein skal ha barn i Noreg at det blir ein rett velge kjønn. Det strider mot verdiane våre.

 

Høyr heile intervjuet med generalsekretær i Menneskverd, Maria Elisabeth Selbekk.

Plussreiser får nytt leiarteam

Aud Kindervåg Halsne, som fylte 63 år i oktober, gir seg seg som leiar i Plussreiser. Frå 1. januar 2026 er det konstituert ei leiargruppe av medarbeidarar frå selskapet, med team-ansvarleg Kurt Andre Henriksen, fram til ny dagleg leiar er på plass.

Frå 1. januar trer Aud Kindervåg Halsne av som dagleg leiar for Plussreiser, men ho vil halde fram i selskapet som reiseleiar og prosjektmedarbeidar i 60 % stilling. I eit intervju på Radio Sunnmøre fortel ho at ho blir også ein del av den konstituerte leiargruppa, med Kurt Andre Henriksen som team-ansvarleg, saman med Kjell Harald Otterlei, Corina L. Klokk og Liv-Hilde Ervik Hellevik. Henriksen har gjennom ei årrekke vore økonomi- og administrasjonsleiar i selskapet. Den daglege leiinga vil frå 1. januar ligge i den nye konstituerte leiargruppa.

-Styret vil ta ein fot i bakken i slutten av mai og så tek vi det derifrå, seier Kindervåg Halsne til Radio Sunnmøre. Ho fortel også at det er turane til Israel som avgjer mykje av økonomien til Plussreiser og korleis selskapet vil sjå ut dei neste åra.

Plussreiser skriv i ei pressemelding at Kindervåg Halsne har vore leiar i selskapet i 12 år og ei viktig drivkraft i selskapets utvikling. Ho har blant mykje anna stått i bresjen for ei stor samanslåing av dei tre reiseselskapa SI-Reiser, Sabra Fokusreiser og Ravinala Reiser til merkevara Plussreiser. Det var planlagt at Aud skulle gje seg som leiar i 2024, men ho vart bedd om å stå ei tid til. 

Salmane som bønebok

I Ord til ettertanke på Radio Sunnmøre denne veka er det Randi Fagerhol Lauvås som tek oss gjennom det å bruka Salmane som ei bønebok. Salme 139 er hennar favorittsalme, og i gjennom vekas ord til ettertanke nemner Lauvås nokre av dei salmane som har hatt stor betydning for henne i ulike situasjonar.

Høyr alle andaktene og intervjuet med Randi Fagerhol Lauvås på Radio Sunnmøre.

Ord til ettertanke 8. desember

Ord til ettertanke av Randi Fagerhol Lauvås.

Ord til ettertanke 9. desember

Ord til ettertanke av Randi Fagerhol Lauvås.

Ord til ettertanke 10. desember

Ord til ettertanke av Randi Fagerhol Lauvås.

Ord til ettertanke 11. desember

Ord til ettertanke av Randi Fagerhol Lauvås.

Ord til ettertanke 12. desember

Ord til ettertanke av Randi Fagerhol Lauvås.

Søndagens tekst 14. desember

I Søndagens tekst for 14. desember les vi frå Matteus 11, 2-11. Teksta handlar om då Johannes var i fengsel og fekk høyre om alt Jesus gjorde. Han sende bod med disiplane for å høyre om Jesus var den som skulle kome, eller om han skulle vente på ein annan. 

I etterkant av at vi høyrer teksta lest av Randi Fagerhol Lauvås tek vi ein prat med prost i Nordre Sunnmøre prosti, Karl Johan Bjørge, om kva teksta inneheld. Vi tek ein prat om kva dette betyr og kva betydning det kan ha i dag.

Skodje kyrkjekor med julekonsert

I 2026 har Skodje kyrkjekor jubileumsår og allereie torsdag 11. desember tjuvstartar dei jubileringa med ein julekonsert i Ørskog kyrkje. Konserten skal dei ha saman med Beate Slettevoll Lech med band, og prosjektleiar Kari Grindvik fortel i eit intervju på Radio Sunnmøre om arrangementet.