Radio Sunnmøre

Søndagens tekst 28. juni

Søndagens tekst er henta frå Matteus 7, 15-20, og handlar om falske profeter. I samtale med prost i Nordre Sunnmøre prosti, Karl Johan Bjørge, snakkar vi om innhaldet i søndagens tekst. 

Kvardagspraten med Marit Stokken Berland

I siste kvardagsprat før sommaren med Marit Stokken Berland snakkar vi om å ha ein sommar saman med Jesus. Vi får høyre om bedehusfestivalen ho og Irene skal på denne veka, og om Lyngdal bibelcamp neste veke.

Høyr heile kvardagspraten med Marit Stokken Berland.

Gamle evangeliske songar med ny melodi

Lekfolket har kome med ny utgivelse, og det er Lars Egil Obrestad som står bak dette. Lekfolket har no gitt ut tre plater totalt, og ideen bak er å gje gamle evangeliske songar ei fornying. Obrestad har gitt tekstane musikk ved å bruke kunstig intelligens. Det sentrale er innhaldet i songane og bodskapen dei formidlar.

Høyr heile intervjuet med Lars Egil Obrestad, som no har utgitt albumet Livet med Jesus. Songane formidlar Jesu kjærleik og nåde gjennom djupt oppbyggelege tekstar utgitt i nye musikalske rammer. Tekstane er hanta frå tekstforfattarane Nils Lavik, Anders Nilsson, Charles Wesley, Niesl Johannes Holm, Anders Hovden og Adolf Langsted.

Statusoppdatering vedrørande Suel Kasembo sin situasjon

Støttegruppa til Suel Kasembo har med seg tidlegare ordførar i Herøy, Bjørn Prytz, som engasjerer seg sterkt i saka til Kasembo. I eit intervju med Prytz får vi høyre ei statusoppdatering i saka til Kasembo. 

Høyr heile intervjuet på Radio Sunnmøre.

Spjelkavik ungdomsskule på vandring i nærmiljøet

Denne veka var 8. klasse ved Spjelkavik ungdomsskule på historisk vandring i Spjelkavik sentrum. Då kom dei også innom Radio Sunnmøre, som er ein del av sentrum. Bjørn Ødegård er lærar ved skulen og ansvarleg for rundturen. Han og elevane Emma Vigestad Aune og Sverke Siljan Sunde fekk prøvd seg i studio.

Høyr om vandringa og alt dei lærte om nærmiljøet i Spjelkavik sentrum.

Klart for sommerstevne for Himalpartner

Helga 25. juni - 28. juni er det klart for sommerstevnet til Himalpartner på Ålesund folkehøgskule. Åge Birger Hofseth har nyleg kome tilbake frå Nepal for å besøke møbefabrikken i jungelen der. Vi får ein prat på Radio Sunnmøre om arbeidet han har fått besøke no i mai, og om kva som skal skje på årets sommerstevne.

Høyr heile intervjuet med Åge Birger Hofseth. I åtte år har han vore frivilleg sekretær for Himalayan Woodsystems DA.

Kafètreff i Volda misjonsforsamling

I dag er det kafètreff i Volda misjonsforsamling sine lokaler. Det er ein stad der ein kan kome å kjøpe seg rimeleg kaffi og mat, og ha det litt kjekt i lag. Randi Hamre er med som arrangør og i dag har ho invitert ein hemmeleg gjest. - Det er ikkje eit møte, men vi vil nok peike på Jesus på ein eller annan måte, fortel Randi Hamre. Dei håpar at dette skal vere eit lavterskel tilbod. Mat, quiz og utlodning står på programmet.

Frå USA til Waldehuset som guider kvart år

-Vi elsker denne historia, og vi trur det er viktig å fortelle andre kva Gud har gjort her. Det er veldig viktig fordi vi er kristne. Og vi elsker, elsker, elsker å gjere det, seier Mickey Bambrick om kvifor dei kjem til Norge kvart år for å guide i Waldehuset gratis. 

Sidan 2018 har ekteparet Kåre Slaathaug (83) og Mickey Bambrick komt til Noreg for å guide på Waldehuset tre dagar i veka i tre månader. Slaathaug er utvandra nordmann til USA då han var 9 år gamal, og mor til Mickey er norsk. Dei møttes i USA og forlova seg nyårsafta i Noreg i 1990. I år har det vore gift i 35 år. Når Kåre får brunost og sveler på tunga, då kjem det norske språket med ein gong, fortel han til Radio Sunnmøre med eit smil.

Høyr heile intervjuet med ekteparet Kåre Slaathaug og Mickey Bambrick.

Søndagens tekst 21. juni

-Kva skal eg gjere for å arve evig liv, spør ein mann Jesus i søndagens tekst. Teksta handlar om den rike mannen og her henta i frå Markus 10, 17-27. Vi tek ein prat med Karl Johan Bjørge, prost i Nordre Sunnmøre prosti om teksta.

Flytting av Møre barne -og ungdomsskule Skodje

Møre barne -og ungdomsskule Skodje startar til hausten med planlegging av nytt skulebygg på Sjøholt folkehøgskule sin tomt. Rektor Hilde Renate Sæthre Nes ser no løysinga på nokre år med uvisse for skulen.

- Vi har jobba det siste skuleåret med å finne nye lokal for skulen, og så fekk vi eit tips om samlokasjon med Sjøholt folkehøgskule, fortel Sæthre Nes. Både kommunen og folkehøgskulen sitt styre er positive til å nytte tomta på Sjøholt til nytt skulebygg for Møre barne -og ungdomsskule Skodje.

-Vi gler oss over at dette kan vere mogleg, seier rektor Sæthre Nes til Radio Sunnmøre.

Høyr heile intervjuet med rektor Hilde Renate Sæthre Nes.