Radio Sunnmøre

Barnekoret NoHa på Nordøyane

Barnekoret NoHa på Nordøyane var nyleg på julefest og song for fyrste gong på Harøya. Sølvi Kalvøy har vore med i koret frå starten av som dirigent, og fortel at den nye samankoblinga mellom Nordøyane har vore svært positivt for koret og medlemstalet. Nyleg var koret og song for fyrste gong på Harøya.

Kvardagspraten med Marit Stokken Berland

-Gud gir alt i rikeleg monn, seier Marit Stokken Berland i vekas Kvardagsprat. Med eit nytt år er ho og Jarle Berland denne veka klar for ny møteveke på Stord, og planane for det nye året er klar. Høyr årets fyrste kvardagsprat med Marit Stokken Berland.

Utvandra sunnmøring til Island

Bjørn Inge Furnes Aurdal har lang fartstid i Laget på Sunnmøre, og i dag bur han på Island. Han ser store misjonsmuligheiter på Island og har flytta dit idag. I eit intervju på Radio Sunnmøre får vi høyre mykje om kva han tenker om å bu og leve på Island, og om arbeidet han brenn for.

Jordskjelvrapport frå Japan

Forrige veke var det eit stort jordskjelv i Japan i nærleiken av der misjonær Inger Valbø held til. Ho kraup under bordet og ropte på Jesus då jordskjelvet oppstod. - Det var ikkje noko kjekt, seier Valbø til Radio Sunnmøre. Ho sat og skulle førebu seg til søndagspreika då det heile oppstod. 

Heldigvis gjekk det bra både med Valbø og dei ho kjende til i området. Høyr heile intervjuet med Inger Valbø, utsending for Misjonssambandet i Japan.

Nytt år med ny leiar i Indremisjonsforbundet

Etter tre månader i leiarstolen for Indremisjonsforbundet (ImF) har Jarle Haugland allereie vore med på ei nedbemanning i organisasjonen. I desember såg ImF ut til å få eit underskot på fire millionar kroner, og tiltak måtte til. Det er hovedsakleg Awana sin satsning i Europa og forkynnarar i deltidsstillingar som har blitt nedbemanna, og i tillegg er det andre kutt som har måtte bli gjort.

Tross krevande kutt ser den nye leiaren, Jarle Haugland, lyst på 2026 og arbeidet vidare i Indremisjonsforbundet. - Det er ein organisasjon eg er glad i. Eg er glad i folket og i oppdraget, seier Haugland. - Eg er framleis i læringsmodus og har tenkt å bruke dei fyrste månadane til å lytte, legg han til.

Lytt til intervjuet med Jarle Haugland, leiar for Indremisjonsforbundet, om hans tankar rundt organisasjonen for framtida.

Jesus-burger delast ut i Norkirken Molde

Kvar tysdag i midttimen delar Norkirken Molde ut Jesus-burger til elevane ved den vidaregåande skulen som ligg vegg i vegg med kirka. Linnea Maria Maridal er aktiv i ungdomsarbeidet og med i styret i Laget på skulen, og fortel at ein inviterer med seg i storefri dei som ynskjer å bli med bort i kirka for å få seg ein burger. Det er varierande respons, men i fylgje Maridal er det mange som set pris på tilbodet. Høyr heile intervjuet med Linnea Maria Maridal.

Frå Sinai til Golgata

I Ord til ettertanke denne veka er det Ståle Schrøder Heggset som delar sine tankar om temaet frå Sinai til Golgata. Høyr heile intervjuet på Radio Sunnmøre.

Ord til ettertanke 5. januar

Ord til ettertanke av Ståle Schrøder Heggset

Ord til ettertanke 6. januar

Ord til ettertanke av Ståle Schrøder Heggset

Ord til ettertanke 7. januar

Ord til ettertanke av Ståle Schrøder Heggset.