Radio Sunnmøre

Vestborg vidaregåande skule med historisk gode søkartal

Vestborg vidaregåande skule på Stranda har historisk gode søkartal for skuleåret 2026/2027. For to år sidan hadde skulen 63 elevar, dette skuleåret 94 elevar og til hausten blir det nok 115 elevar totalt. Sjølv med over 78 søknadar for hausten vel skulen å ta inn ei klasse til VG1. 

I fjor var skulen kåra til landets beste vidaregåande skule og rektor Jon Ove Holen fortel at dei har arbeidd med trivsel og støtte frå lærarane dei siste åra.

-Det er viktig at elevane trivast og anbefalar skulen til andre, fortel rektor Jon Ove Holen.

Søknadsfristen var 1. mars og tilbod er sendt ut til 33 VG1 elevar. Skulen har vurdert nøye om ein skulle ta inn to klasser, men har kome fram til at ein dette året tek inn ei klasse. Grunnen for det er at kapasiteten på området ikkje per i dag er tilrettelagt for det og at det kan gå ut over trivselen til elevane.

-Vi er i samtale med eigaren vår om utbygging, og skal sjå om vi på eit eller to år kan auke kapasiteten. Det ser vi at det er grunnlag for, seier Holen til Radio Sunnmøre.

 

Søndagens tekst 29. mars

Søndagens tekst er henta frå Johannes 12,12–24 og handler om då Jesus rei inn i Jerusalem på eit esel. Høyr teksta lest av Randi Fagerhol Lauvås.  og samtala om mellom Karl Johan Bjørge, prost i Nordre Sunnmøre prosti, og redaktør i Radio Sunnmøre, Ragnhild Kristine Vartdal Espelund.

Kvardagspraten med Marit Stokken Berland

I Kvardagspraten denne veka får vi høyre Marit Stokken Berland fortelje om påska. Ho og Jarle Berland skal ha seks påskemøter i Fitjar og få dele om det som er påskas bodskap. I eit ord til ettertanke får vi høyre frå Hebrearane og om det Jesus har gjort for oss. Høyr heile kvardagspraten med Marit Stokken Berland.

Bibelkurs med Romerbrevet utanatt

Forrige veke var det bibelkurs på Blindheim bedehus der Torbjørn Øygard hadde bibeltime med å gi Romerbrevet utanatt. Publikum var imponert over framsyninga og Helge Åkerens tok ein prat med nokre av dei som fekk høyrd dette i etterkant.

-Eg føler det er eit KrF 2.0

-Eg føler det er eit Krf 2.0, seier Harry Valderhaug om det partiet KrF er no. Valderhaug sit på stortinget i næringskomiteen og er engasjert i både næring og det verdipolitiske arbeidet. I eit intervju på Radio Sunnmøre snakkar vi meir om både skipstunnelen på Stadt, skulegudstenester og formueskatt.

Høyr heile intervjuet med Harry Valderhaug då han var innom Radio Sunnmøre denne veka.

På opplevingstur aleine til Japan

I vinterferien tok Elling Aarseth flypoenga fatt og satte seg på flyet til Japan heilt aleine. I eit intervju på Radio Sunnmøre delar han nokre av opplevingane han hadde på tur aleine, og i møte med nye menneske som også var på reise. Samtalar om tru, kulturkræsj, ny mat og artige oppservasjonar er noko av det vi får høyre om. Og Aarseth fortel også at han aldri reiser aleine, sjølv om han fysisk gjorde det, for det er alltid ein som er med han.

Elling Aarseth reiste til Japan fyrst og fremst for å besøke misjonærane Karoline og Marius Bergersen, og det å få oppleve misjonærlivet på nært hald får vi også høyre meir om.

Høyr heile intervjuet med Elling Aarseth.

Nytilsett Barne -og familiearbeider i Imf Ung Sunnmøre

Frå hausten av skal Olaug Lillian Bjørke starte i Imf Ung Sunnmøre som Barne -og familiearbeidas med fokus på leir, Awana og familiemøter. Bjørke har tidlegare jobba i Åpne Dører, og i dag er ho lærar ved Møre Barne -og ungdomsskule Ålesund i tillegg til å jobbe i P7 Kristen Riksradio. Frå hausten av vil ho i tillegg til radioarbeidet arbeide 50 % i Imf Ung Sunnmøre.

Miriam Mulelid, leiar for Imf Ung Sunnmøre, gler seg over ny tilsett og ny organsiering i avdelinga frå hausten av.

Høyr heile intervjuet med Olaug Lillian Bjørke og Miriam Mulelid på Radio Sunnmøre.

Aafksupporter og pastor

Nytilsett pastor ved Blindheim bedehus, Nikolai Sundklakk, er også sjefstrommis i Aafk sin supportergjeng. I ein samtale med Sundklakk på Radio Sunnmøre får vi høyre om korleis supporterengasjementet kom til. Vi får også høyre korleis han miksar fotballengasjementet med pastorrolla. Nyleg vart han tilsett som hovedpastor på Blindheim bedehus, og det får vi også høyre meir om.

Høyr intervjuet med Nikolai Sunklakk, Aafksupporter og pastor.

Har lært Romerbrevet utanatt

På Imf Sunnmøre sine bibelkurs denne veka er det Torbjørn Øygard som skal fortelle Romarbrevet utanatt. Øygard er 58 år og vaks opp i Eikelandsosen utanfor Bergen. Han er bygningstømrar og har dei siste åra arbeidd som driftsleiar. Det heile starta med at han skulle vogge den yngste dottera i søvn og då starta han å pugge eit vers eller to frå 1. Korinterbrev. Dette haldt han fram med og repeterte det han allereie hadde pugga.

Fleire år seinare hadde dei ei mannsgruppe der ein skulle gå gjennom Romerbrevet ein gong i månaden. Og slik starta det at han lærte heile Romerbrevet utantatt. Høyr heile historia med Torbjørn Øygard på Radio Sunnmøre.

Søndagens tekst 22. mars

I søndagens tekst for 22.mars  les vi teksta Lukas 1, 26-38. I kyrkjeåret er det Marias bodskapsdag, og i ein samtale med Karl Johan Bjørge, prost i Nordre Sunnmøre prosti, får vi høyre om kva søndagens tekst handlar om.