Radio Sunnmøre

Møre barne -og ungdomsskule Skodje 10 år

På friskuledagen 5. november skal Møre Barne -og ungdomsskule Skodje feire 10 år. Skulen har i dag eit skuletilbod for 1. -10. klasse og held til i Brusdalen. I desse ti åra har skulen hatt nokre utfordringar med plasseringa av skulen ved Brusdalsvatnet, og arbeidar framleis med å få på plass ei fast tomt for skulebygget. 

Onsdag 5. november skal det feirast med kake, talar og underholdning, og rektor Hilde Renate Sæthre Nes håpar at alle som har lyst tek turen.

Kritisk til redaktørstyrte medier

I ein kronikk i Sunnmørsposten skriv Aud Farstad, historikar og forfattar, at ho er kritisk til redaktørstyrte medier. Ho fortel til Radio Sunnmøre at ho etterkvart har opparbeida seg ein sunn skepsis til det som skrivast i redaktørstyrte medier. Farstad fortel at ho ikkje klarer å fylgje med i alle medier, men at ho særskilt henviser til NRK som einsidige i tida etter massakren i Israel. Ho meiner Israel heile tida blir mistenkeleggjort og ansvarlege, og at det blir lite kritikk av den andre skulen.

- Eg har desse to åra vore utruleg takknemleg for at eg meistrar andre språk enn norsk og kan gå ut på nettet å finne anna informasjon og det som for eksempel NRK og andre store aviser har som ferdig fortelling, fortel Farstad til Radio Sunnmøre.

Høyr heile intervjuet med Aud Farstad, historikar og forfattar.

Folkehøgskulerektorar i protestmøte på Stortinget

Onsdag var ni folkehøgskulerektorar på Stortinget for å protestere mot regjeringa sitt nye budsjettforslag om å kutte stipendandelen til elevane frå 40 til 15 prosent. Lars Johan Klokk, rektor ved Sjøholt folkehøgskule, var tilstades på Stortinget i møte med KrFs stortingsgruppe. Sjøholt folkehøgskule er ein av to folkehøgskular i landet med 16 års aldersgrense.

- Eg trur det er eit vere eller ikkje vere om ein mister stipendet, seier Lars Johan Klokk til Radio Sunnmøre. - Og det vil igjen bety at fylket må trå til meir for desse elevane som i dag går folkehøgskule, legg han til. Ved Sjøholt folkehøgskule har nokre av elevane vore opptil seks år utanfor vanleg skule og for nokre elevar er det ei stor utfordring å berre gå inn i matsalen. Klokk seier i ei pressemelding at på folkehøgskulen har desse elevane igjen fått trua på framtida.

- Eg opplever at for vår elevgruppe vil det å få seg  eit arbeid vere nok og vil nok kanskje aldri få seg ei mastergrad, fortel Klokk til Radio Sunnmøre. Han forstår ikkje heilt kva Arbeiderpartiet har tenkt med dette forslaget. 

 

Solhøgda treng ny leiing

Etter heile 46 år har Arne Johan Gagnat og kona Kari leia Solhøgda leirstad som gjer noko så sjeldan å gå med overskot. Det gjer det blant anna fordi ein har bygd opp ein svært attraktiv leirskule, som tek elever frå Sunnmøre i sør til Trondheim i nord med på naturopplevingar og industrisamfunnet Sunndalsøra. Men no må eigaren, Misjonssambandet, sjå seg etter ny leiing av Solhøgda leirstad. Høyr intervjuet med Kari og Arne Johan Gagnat.

Foreslår kutt i stipend til folkehøgskuleelevar

Regjeringa foreslår at stipendandelen til folkehøgskuleelevar skal kuttast frå 40 % til 15 %. Resultatet av dette meiner Sven Wågen Sæther, rektor ved Ålesund folkehøgskule, at kan bli svært radikalt for folkehøgskulane. - Her lagar ein ei innsnevring slik at det blir færre moglegheiter for alle, seier Wågen Sæther. Han meiner dette er eit innlysande galt forslag. Høyr heile intervjuet med Sven Wågen Sæther, rektor ved Ålesund folkehøgskule.

Ei underskriftskampanje vart starta tysdag 21. oktober hadde torsdag morgon 23. oktober fått 16864 underskrifter på at ein er i mot dette forslaget.

Nyleg tilbake etter tre månader på Mercy Ships

Mercy Ships inviterer til inspirasjonssamling i Ålesund i slutten av november og søker etter meir mannskap. Per Magne Brakstad er nyleg tilbake etter tre månader ombord på Mercy Ships i Sierra Leone. Etter Brakstad vart pensjonist såg han muligheita til å gjere dette, og då han såg på lista over kva mannskap det var behov for, så såg han at det også kunne vere ein stad for han. Sjølv har han praktisk erfaring og utdanna bilmekaniker, så dermed søkte han på ei stilling med desse oppgåvene. Høyr heile intervjuet med Per Magne Brakstad.

Anmeldelse mot leiar i MIFF Sunnmøre henlagt

MIFF Sunnmøre inviterte Kolvikbakken ungdomsskole til ei temasamling onsdag 8. oktober halde av Henrik Beckheim, om temaet "Er det plass til jødar i Noreg etter 7. oktober?". Svaret Marit Heggen Stokke, leiar for MIFF Sunnmøre, fekk på invitasjonen frå ein avdelingsleiar ved skulen, rysta henne, og ho la svaret ut på MIFF Sunnmøre sine facebooksider. Avdelingsleiaren ved Kolvikbakken ungdomsskole anmeldte Heggen Stokke og saka er no blitt henlagt av politiet. Høyr heile intervjuet med Marit Heggen Stokke.

Søndagens tekst 26. oktober

I vekas episode av Søndagens tekst snakkar vi med prost Karl Johan Bjørge om Lukas 15, 11-32, om sonen som kom heim. Randi Fagerhol Lauvås les teksta.

Fakkeltog for forfulgte kristne

Tysdag 28. oktober starter første fakkeltog for forfulgte kristne i Ålesund, onsdag i Molde og torsdag i Fosnavåg. Ingrid Helene Kopperstad Raunehaug er med og deler musikk og vitnesbyrd på alle samlingane. Kvar kveld startar med fakkeltog kl.1830 og avsluttar med ei samling kl. 1930. I år er tema for fakkeltoget dei kristne i Nord-Korea og kvardagslivet dei lever som kristne i verdas mest lukka land. Høyr heile praten med Ingrid Helene Kopperstad Raunehaug.

Kvardagspraten

Forrige veke var Marit & Irene på Ellingsøy bedehus og haldt møteveke frå tysdag til søndag. På siste møtet søndag vart det nemnt om ein skulle halde fram med møter. I kvardagspraten med Marit Stokken Berland høyrer vi henne fortelje frå veka. Ho fortel at ein endå ein gong fekk oppleve at Guds Ord er levande. Det var fleire som kjende at Gud arbeidde denne veka, og samtalen om å halde fram ved ei seinare anledning er levande. Ikveld skal Marit og Jarle til Austefjorden på eit songmøte, som vi også får høyre meir om i kvardagspraten.