Radio Sunnmøre

Ny leiar i ImF Ung Sunnmøre

I haust har ImF Ung Sunnmøre fått ny leiar. Miriam Mulelid starta 1. august i full stilling og fortel i eit intervju på Radio Sunnmøre at ho no er godt i gong med å sette seg inn i arbeidet. - Det er veldig spennande og litt skummelt, sidan eg har høge forventningar til meg sjølv. Litt utfordrande sidan det er ein ny organisasjon å sette seg inni, og mange kjekke kolleger å samarbeide med, fortel Mulelid. Ho kjem frå jobben som ungdomsarbeidar i Det Norske Misjonsselskap, og er utdanna lærar.

I eit intervju på Radio Sunnmøre får vi også høyre om ulike større arrangement ungavdelinga skal arrangere i haust, som til dømes ulike leirar.

Søndagens tekst 31. august

I søndagens tekst 31. august handlar evangelieteksta om Jesus og samaritanane. Redaktør i Radio Sunnmøre, Ragnhild Kristine Vartdal Espelund, tek ein prat med prost i Nordre Sunnmøre prosti, Karl Johan Bjørge, om denne teksta. Kvifor er ei kvinne sentral i denne teksta og kva vil Johannes fortelje i denne teksta? Høyr vekas episode i serien Søndagens tekst.

Over 400 medlemmar på 20 år

Norkirken Molde har blitt ei menighet med 400 medlemmar på 20 år. Dette fortel pastor Odd Magnus Venås i eit intervju på Radio Sunnmøre. I midten av august feire dei med jubileumsfest der rundt 130 deltakarar møtte. 

Bildetekst: M for møteplass mellom Gud og mennesker. Et lite knippe av

de rundt 130 deltagerne på jubileumsfesten 16. august. Fra

venstre: Marie Lillebø, Anne Lillebø, regionleder Nils Ring-

dal, Bjørnar Drøpping og styreleder i Norkirken, Kjell Bjarte

Aarsund. Bak: Pastor Odd Magnus Venås og fellesskapsleder Eimund Kringstad Skjæret.

Kvardagspraten med Marit Stokken Berland

I Kvardagspraten denne veka tek vi ein prat med Marit Stokken Berland. Ho har mykje godt å fortelje frå Orrenesstemnet der både Johan Halsne og Kjell Furnes talte og vart takka av. Dei reiser begge frå Sunnmøre no i haust, og Stokken Berland er imponert over det dei har gjort på Sunnmøre.

Vi får også høyre om kva Marit og Jarle Berland har på agendaen vidare.

Høyr heile kvardagspraten med Marit Stokken Berland.

Etterarbeidet etter The Send

I sommar var det 1200 mennesker i Sparebanken Møre Arena for å lovsynge og lytte til forkynning om å følge Jesus. Undervegs det sju timar lange møtet kunne ein respondere på ulike måtar, til dømes om ein ville vere meir aktiv med i misjonsarbeid, ta i mot Jesus med meir. I etterkant av The Send har eit team, koordinert av Ester Boge, kontakta dei som responderte. Vi har tatt ein prat med Ester Boge (23), ungdomsarbeidar i Ungdom i Oppdrag Ålesund, om etterarbeidet. 

Den politiske situasjonen i Midtausten

Ein forferdeleg situasjon i Gaza, eit Hizbollah som har blitt markert svekka i Libanon, og eit regimeskifte i Syria. Dette er noko av det vi får høyre meir om når Geir Sakseid gir eit bilete av den politiske situasjonen i Midtausten. Vi får også høye om arbiedet Middle East Media (MEM) gjer i Sudan, med opplæring i Egypt, og kva rolle den spelar i Midtausten for dei kristne. Høyr pratne med Geir Sakseid, sokneprest i Ålesund og Volsdalen menighet, og rådgivar for Midtausten for Det Norske Misjonsselskap.

Når livet ramlar mellom to stolar

For tre år sidan starta Camilla Brusdal firmaet Stå Stødig og hjelper kvinner, som har opplevd vald og som lever med traumer, til auka livskvalitet.

- Fram til eg var 18 år gamal var det vaksne som rusa seg, det var vald, det var seksuelle overgrep, og det var omsorgsvikt, fortel Brusdal. Ho fortel at hennar historie starta då ho var 6 år gamal i Brusdalens grøne dal, då foreldra fortalde at dei skulle skiljast. 

Det tek mange år før ein klarer å sette ord på vald i nære relasjonar, og vald kan vere både fysisk og psykisk. Dette fortel Camilla Brusdal i eit intervju på Radio Sunnmøre. No kjem ho med sin eiga historie i boka I lyset der står jeg, og lanseringa skjer under eit arrangement på Parken Kulturhus tysdag 16. september. Arrangementet har fått namnet Når livet ramler mellom to stoler og har som mål å skape openheit om kor vanskeleg livet kan føles når ein har opplevd store belastningar, men også skape håp og inspirasjon om korleis ein sjølv kan bidra til å kome seg vidare. Det blir panelsamtale med både ulike offentlege instansa, og det blir musikalske innslag.

Arrangementet er støtta av næringslivet og er gratis for alle.

Høyr heile intervjuet med Camilla Brusdal på Radio Sunnmøre.

Mediekommentaren frå Tro & Medier veke 34

Denne veka er det Petter Due-Tønnessen som held Mediekommentaren frå Tro & Medier. Tittelen på vekas kommentar er Jeg ser en vekkelse i mediene og den omtalar fleire av dei glimta i media Due-Tønnessen opplever som ein vekkelse i mediene.

Frivillig på Stedet

Sunnmøre er bygd opp på dugnadsånd og i ein serie på Radio Sunnmøre vil vi ta ein prat med fleire av dei som brukar timar og overskot på frivillig arbeid.

På Stedet, drive av Frelsesarmeen, er Anita Lillian Askevold frivillig. Stedet driv eit miljøarbeid der ein har eit godt miljø med ulike aktivitetar. Askevold er pensjonist i dag frå både kontor - og butikkarbeid. Ho er over 80 år og har vore engasjert i Frelsesarmeen sitt frivillige arbeid i mange år. 

Høyr heile intervjuet med Anita Lillian Askevold. Intervjua av Johan Behrentz.

Ord til ettertanke intervju med Sven Wågen Sæther

Denne veka er det rektor ved Ålesund folkehøgskule, Sven Wågen Sæther, som held Ord til ettertanke på Radio Sunnmøre. Han snakkar i dei ulike andaktene om fem ulike personar frå Bibelen sitt forhold til Gud. Folk er ulike og kan kjenne seg igjen i ulike historier.