Radio Sunnmøre

I årets fyrste program frå NSP Aid får vi høyre dagleg leiar Gunnar Hamnøy fortelje om mykje han er takksam for i året 2021. Aldri har dei fått så mykje økonomisk støtte til matutdeling og aldri før har så mange fått hjelp gjennom NSP Aid sitt arbeid i Kenya og Etiopia. Høyr årets fyrste program.

I årets fyrste mediekommentar frå Tro & Medier blir det det i eit nytt år snakka om endring. Jenny Ofrim Bruvik snakkar i sin kommentar om kven ho skal slutte å fylgje på sosiale medier, og kvifor ho vel å gjere akkurat det. Høyr vekas mediekommentar frå Tro & Medier.

I årets fyrste intervju med Kris Munthe, rådgivar i Barnevakten, får vi lære meir om spel og apper som vil lære borna om empati og forståing.

I eit av spela kan du "ta over" mobiltelefonen til ein seksten år gamal flyktning eller ta hand om eit adoptivbarns fysiske og mentale helse. I årets fyrste intervju med Barnevakten får du tips til spel og apper som fremma empati og forståing.

Eit nytt år og nye moglegheiter, men framleis med ein pandemi hengande over oss. Då gjeld det å fokusere på det ein kan glede seg over, og sjå framover. Vi har tatt ein prat med Marit Stokken Berland i årets fyrste kvardagsprat. Lite nyttårsløfte, men mange nyttårsynskje er det Marit kjem med i årets fyrste prat.