Radio Sunnmøre

I vekas program frå NSP Aid sitt bistandsarbeid i Kenya og Etiopia får du vere med på heimebesøk i ein av slummane i Kenya. Det er Elisabet Emblem som fortel i frå eit heimebesøk ho fekk vere med på i haust.

Over 80 søknadar er kome inn til Sjøholt Folkehøgskule når inntaket starta 1. februar,  og dei aller fleste er 16 åringar som ynskjer seg eit friår på Sunnmøre til hausten.

Skulen starta opp hausten 2021 og tilbyr til hausten fleire kreative og aktive linjer.

Vi har tatt ein prat med rektor Lars Johan Klokk som kan fortelje at dette er svært opplyftande. 

Korleis kan lærarar og foreldre samarbeide mot netthat og nettmobbing? I eit gratis webinar 8. februar vil Barnevakten snakke om korleis ein kan samarbeide for å unngå at elevar blir uthengt eller henger ut andre på grunn av etnisitet, religion, funksjonshemming eller kjønn.

Høyr vekas intervju med dagleg leiar i Barnevakten, Leif Gunnar Vestbøstad Vik.

Møre Ungdomsskule Giske har sendt søknaden om godkjenning for skuleetablering til Utdanningsdirektoratet. Dei ventar svar på søknaden innan eitt år, og har med det fokus på oppstart hausten 2023.

Eit styre for skulen vart stifta 12. januar 2022. Vi har tatt ein prat med styreleiar og prosjektansvarleg, Ingrid Kvam Steinshamn.

Endeleg opnast det oppatt for møter, og Marit Stokken Berland skal saman med Irene Krokeide Alnes denne veka halde møter i Vanylven. I kvardagspraten fortel Marit om korleis ho gler seg til å ha møter igjen, og at folket i Vanylven gler seg til å igjen kunne møtast. Møta blir kvar dag i Syvde kyrkje, og du får høyre meir i kvardagspraten om desse møta.