Radio Sunnmøre

-Eg kjenner at ein heile tida må ta det valet med å ha blikket festa på Jesus. Og å minne oss sjølve om løfta som står i Bibelen, og at eg skal få setje føta mine på det og stole på det. Det helde, fortel Irene Bergene Solheimslid.

I eit intervju på Radio Sunnmøre deler Irene sin trushistorie frå då ho tok i mot Jesus på kne i sin eigen hybel. Ho fortel om eit liv der ho heile vegen har lagt både eige og familien sitt liv i Jesu hender, og korleis Han likevel har vore med i livet når det har vore vondt, sårbart og ein opplever ting som gjer at ein som menneske knekk heilt saman.

Høyr heilt trushistoria til Irene Bergene Solheimslid på Radio Sunnmøre.

I august 2021 fekk Geir Henning Tunheim den tunge beskjeda om at han hadde fått kreft. Gjennom fleire månader med cellegift og behandling var det tungt å lese i Bibelen og til tider be sjølv. Det var då Geir Henning, kona og dei fire borna, fekk merke at Gud likevel var der gjennom at familie og vener kom med middag, laga bursdagsselskap for borna og hjalp til med bringing og henting. Dei små tinga som ein storfamilie ikkje lenger kunne klare aleine fekk dei god hjelp til av folk rundt som såg dei.

Geir Henning kallar menigheta si for sin andre familie, og ser med takksemd på alle rundt seg i den tunge tida med sjukdom. Etter jul fekk Geir Henning beskjed om at han no er kreftfri, og skal trene seg tilbake til ein vanleg kvardag.

Høyr Geir Henning Tunheim fortelje si trushistorie frå ei tid med sjukdom og behandling. 

-Å alltid stole på Gud, fortel Paulina Foks er det viktigaste ho ynskjer å lære borna sine. Sjølv har ho fått oppleve å ta imot Jesus, og å få kjenne kor godt det er å kunne stole på Gud. I eit intervju på Radio Sunnmøre fortel Paulina om då ho vaks opp i ein barndom med vald og alkohol. Ho vaks opp i ein katolsk heim og kjende ikkje Jesus. Det var fyrst då eit team frå Noreg var på besøk i byen der ho budde at ho fekk høyre om Jesus, og til slutt fekk eit personleg møte med han.

Høyr den sterke trushistoria til Paulina Foks på Radio Sunnmøre.