Radio Sunnmøre

Ord til ettertanke 3. oktober

Denne veka er det Oddveig Molnes som held ord til ettertanke på Radio Sunnmøre.

Perler frå Guds skattkammer

Denne veka er det Oddveig Molnes som held Ord til ettertanke på Radio Sunnmøre kvar dag. Perler frå Guds skattkammer er det Molnes har valgt å dele litt av kvar dag. Høyr alle andaktene og intervjuet på Radio Sunnmøre.

Israelere kjem til tru i Immanuelkirka

Eyvind og Siw Anita Volle er tilbake i Immanuelkirka i Tel Aviv etter ein ferie i Noreg, og etter tre år i Israel kallar dei kirka no for heime. Vi får i eit nytt intervju høyre om korleis dei opplever krigen som føregår over grensa til Gaza, og om korleis dei som bur i området snakkar om både krigføringa. Volle delar også frå det arbeidet dei driv i Immanuelkirka og at det er fleire israelera som no har kome til kristen tru. Dei delar ut fleire biblar i veka og har gjort det sidan krigen starta. Høyr heile intervjuet med Eyvind Volle, pastor i Immanuelkirka i Tel Aviv.

Søndagens tekst 5. oktober

Denne veka er det Markus 5, 35-43 som er evangelieteksta i kyrkjeåret. Vi får høyre om den vesle jenta, på tolv år, som Jesus vekte opp frå det døde. Kvifor gjorde Jesus dette? Høyr samtalen med prost i Nordre Sunnmøre prosti, Karl Johan Bjørge, om kva søndagens tekst handlar om.

Etter Womans retreat på Lepsøya

I helga var det Womans retreat på Lepsøya prestegård, og Alice Krogsæter Aragon var deltakar for fyrste gong. Ho var spent på om det vart ei avslappande helg etter ei lang og slitsom arbeidsveke, men i intervjuet på Radio Sunnmøre fortel ho at helga vart til forventningane temaet for helga var. Ei helg med nydeleg ver, dekka bord og nydelege folk og samtalar. Høyr heile intervjuet med Alice Krogsæter Aragon om retreathelga på Lepsøya, som er eit årleg arrangement.

Kom på 38. plass i VM

Fredag 26. september deltok Jonas Hesthaug (27), frå Eidsdal, i VM i fjelløp i Spania. Han endte på ein 38. plass av 198 deltakarar og er nøgd med plassen. Det norske laget tok ein samla 9. plass. Løpet gjekk over 43 km og over 3700 høgdemeter, og Hesthaug brukte 5.29.45 timar på heile løpet. Han fortel i eit intervju på Radio Sunnmøre at han framleis kjenner det i beina og at han moglegeins må gjere litt om på gymtimane han no hadde planlagt for idrettsklassa på Vestborg vidaregåande den fyrste tida.

Høyr heile intervjuet med Jonas Hesthaug på Radio Sunnmøre.

Kvardagspraten med Irene Krokeide Alnes

Ei møteveke med fokus på misjon i Finnmark vart halde på Godøy bedehus forrige veke. Irene Krokeide Alnes fortel i kvardagspraten om ei inspirerande veke. I midten av oktober er det Ellingsøy bedehus som står for tur for ei lengre møteveke med Marit & Irene frå 14. oktober til 19. oktober. Krokeide Alnes håpar lyttarane kan huske på den veka. I eit ord til lyttarane i dag minner Irene Krokeide Alnes om å skunde seg frå Matteus 28.

Regional misjon -og leiarkonferanse

Helga 7. -9. november arrangerast det ei regional misjon - og leiarkonferanse på Ålesund folkehøgskule. Det er Imf Sunnmøre og Imf Nordmøre og Romsdal krins som arrangerer helga. Tema som Israel, trusforsvar og misjon står på agendaen, og konstituert krinsleiar i ImF Sunnmøre, Arild Ove Halås, håpar på høg påmelding.

Lån eller behald ei bok i Herøy kyrkje

I Herøy kyrkje kan ein no låne eller behalde ei bok av kristen litteratur. I gangen står det ei hylle med ulike bøker ein kan ta med seg heim anten for lån eller for å behalde. Sokneprest i Herøy kyrkje, Solfrid Leinebø Seljås, fortel at det er dei som har nokre bøker til overs som leverer desse til kyrkja, og på den måten kan andre få ta del i den kristne litteraturen. Høyr heile intervjuet med Solfrid Leinebø Seljås, sokneprest i Herøy kyrkje.

MAND - mannekveld i Misjonssalen

Mandag 29. september er det fyrste samling med MAND i Misjonssalen, ein kveld for kun menn. Ulike tema blir tatt opp ein kveld i månaden, og denne mandagen er det angst som er agendaen. Knut Asbjørn Ulstein er ein av dei som arrangerer kveldane og fortel om godt oppmøte på tidlegare arrangement. Det har vore menn frå 18 år og oppover til 80 år som har møtt. Ein kveld inneheld ofte eit foredrag, kveldsmat og avsluttast med samtale rundt borda. Høyr heile intervjuet med Knut Asbjørn Ulstein.