Radio Sunnmøre

Mannshelg på Brusdalsheimen

Til helga 9.-12. februar er det mannshelg på Brusdalsheimen. Talar for helga er Rolf Kjøde, og både Tor Rødseth og Valderøykvartetten blir med som songkrefter. Høyr Arild Ove Halås fortelle om både tema og program i eit intervju på Radio Sunnmøre.

Rapport frå mannshelg på Vestheim

I helga 2. -4. januar var det mannshelg på Vestheim i regi av Misjonssambandet. Regionleiar Steffen Stensland fortel at helga kjem til å leve i han i lang tid framover. Badstu, fjelltur og idrett i Vestneshallen stod på programmet, i tillegg til god mannssong, seminar og undervisning. Stensland er godt nøgd med helga og gir ein detaljert rapport om helga på Radio Sunnmøre.

Første dag på jobb som krinsleiar i IMF Sunnmøre

På nyåret 1. januar starta Lars Petter Ødegård som krinsleiar i ImF Sunnmøre. Han starter i 30 % og aukar til 100 % frå 6. april. - Tida framover blir brukt til å sette seg inn i ting, og eg har allereie hatt mange fine samtalar, fortel Ødegård på sin fyrste arbeidsdag. Han gler seg til å kome rundt å besøke folk, og i starten blir det å få eit overblikk over alt arbeidet.

Søndagens tekst 11. januar

I Søndagens tekst denne veka får vi høyre frå Matteus 3, 13-17 om då Jesus var døypt. I ein samtale med prost Karl Johan Bjørge snakkar vi om kva som skjedde og kvifor det skjedde.

Bøneveke med Søndagsskulen Norge

Den 19. - 25. januar arrangerer Søndagsskulen Norge ei bøneveke. Dei ynskjer å fylle veka, alle timane, men ulike mennesker som vil be kontinuerleg for eit nytt år. Radio Sunnmøre har tatt ein prat med Ragnhild Ljøkjell Knotten, frivillighetsleder i Søndagsskulen Norge.

Kvardagspraten med Irene Krokeide Alnes

Eit litt annleis 50 års jubileum skal vi få høyre om i årets fyrste Kvardagsprat med Irene Krokeide Alnes. Tysdag er det klart for formiddagstreff i Ulsteinvik, men for 50 år sidan då Irene og Marit skulle til Ulsteinvik vart turen ein meir strabasiøs tur enn forutsett. Krokeide Alnes fortel også om planane for det nye året og ser fram til alt det spanande som ligg framføre.

Emblem bedehus med nytt namn

På årsmøtet til Emblem bedehusforsamling i februar vart det vedteke at forsamlinga hausten 2025 skulle endre namn til Bedehuskirka Emblem. Under julekonserten 21. desember vart det nye namnet lansert. Vi har tatt ein prat med pastor Arild Ove Halås om bakgrunnen for namneendringa.

Søndagens tekst 4. januar

I søndagens tekst høyrer vi frå Matteus 2, 1-12 om då vismennene hyllar Jesus. I ein samtale med prost, Karl Johan Bjørge, høyrer vi om kva teksta inneheld og kva teksta fortel oss om Kristi openberringsdag.

Søndagens tekst 1. januar

I søndagens tekst høyrer vi frå Lukas 2, 21. I ein samtale med prost, Karl Johan Bjørge, snakkar vi om kva teksta betyr.

Søndagens tekst 31. desember

I Søndagens tekst 31. desember, på sjølvaste nyttårsafta, høyrer vi frå Lukas 13, 6-9. Teksta handlar om fikentreet som ikkje bar frukt. I ein samtale med prost, Karl Johan Bjørge, snakkar vi om kva teksta inneheld og betyr.