Radio Sunnmøre

Kvardagspraten med Marit Stokken Berland

I årets siste Kvardagsprat tek vi ein prat med Marit Stokken Berland. Ho har ei rolegare førjulstid enn til vanleg, og har fått baka ein kakesort. Men det viktigaste ho tek med seg inn i ei julehøgtid er bodskapen om det som det eigentleg handlar om. Bodskapen om Jesus som vart fødd. Vi får også høyre korleis det var å synge julesongar på aldersheimen i Giske forrige veke.

Barmhjertighetens hus opna i Ålesund

I Ålesund opna Barmhjertighetens hus torsdag 11. desember. Det heile vart opna med at ordførar Håkon Strand klipte over eit varmt skjerf, som skulle symbolisere varme og å det å ta vare på kvarandre. Karl Johan Skårbrevik, også kalla Suppe-Kalle, fekk tilbod om dette huset til arbeidet, men han var litt i tvil i starte sidan dei allereie hadde både båt og bil. Men etterkvart som pengane rulla inn så vart huset opna torsdag. Høyr heile intervjuet med Karl Johan Skårbrevik om kva Barmhjertighetens hus i Ålesund skal brukast til.

Er julebodskapen gamalt nytt?

Julebodskapen. Vi har høyrd det før. Vi har sunget sangane før. Er ikkje julas bodskap om at Jesus vart fødd, gammalt nytt? Høyr vekas mediekommentar frå Tro & Medier med dagleg leiar, Rune Tobiassen.

Velkomen heim

I konseptet Velkomen heim ynskjer Viggo Klausen å invitere til å høyre om at Jesus finnes og invitere han heim. Dette er eit evangeliseringsopplegg han reiser land og strand rundt med. Det heile er eit opplegg han arbeider med lokale krefter i lengre tid i forkant med, og inkludere lokale krefter også under sjølve arrangementet. Det er eit familiearrangement over fleire dager.

Høyr heile intervjuet med Viggo Klausen om Velkommen heim.

Abort på kjønn skjer no på norske sjukehus

Ny rapport frå Menneskeverd fortel at abortar no skjer på norske sjukehus på grunnlag av kjønn aleine. Radio Sunnmøre har tatt ein prat med generalsekretær i Menneskeverd, Maria Elisabeth Selbekk, som fortel at dei har fått direkte rapportar frå helsepersonell som fortel at kvinner no tek abort grunna kjønn aleine. Dette advarte Menneskeverd om i god tid før regjeringa endra grensa for sjølvbestemt abort frå 12 veker til 18 veker. - I den forrige lova stod det i bioteknologilova at ein ikkje skulle opplyse om kjønn før veke 12, fordi ein ikkje ville ha aborter på kjønnsindikasjon i Noreg. Men no når ein har utvida til veke 18 treng ein ikkje oppgi nokon grunn om ein vil ta abort på grunn av kjønn, fortel Selbekk til Radio Sunnmøre. -Kjønn har ikkje lenger vore anerkjent av samfunnet for abort, men no er det fullt frislepp på det.

-Det er ei veldig trist utvikling. I Noreg har vi fordømt land i andre verdsdelar der dette har blitt utbreidt, der jenterfoster blir systematisk valt bort på grunn av kulturelle eller religiøse hensyn, at ein heller ynskjer seg ein gut eller ei jente.

-Eg fryktar at no når det er mogleg å sortere på kjønn, at det blir ein slags rettighet når ein skal ha barn i Noreg at det blir ein rett velge kjønn. Det strider mot verdiane våre.

 

Høyr heile intervjuet med generalsekretær i Menneskverd, Maria Elisabeth Selbekk.

Plussreiser får nytt leiarteam

Aud Kindervåg Halsne, som fylte 63 år i oktober, gir seg seg som leiar i Plussreiser. Frå 1. januar 2026 er det konstituert ei leiargruppe av medarbeidarar frå selskapet, med team-ansvarleg Kurt Andre Henriksen, fram til ny dagleg leiar er på plass.

Frå 1. januar trer Aud Kindervåg Halsne av som dagleg leiar for Plussreiser, men ho vil halde fram i selskapet som reiseleiar og prosjektmedarbeidar i 60 % stilling. I eit intervju på Radio Sunnmøre fortel ho at ho blir også ein del av den konstituerte leiargruppa, med Kurt Andre Henriksen som team-ansvarleg, saman med Kjell Harald Otterlei, Corina L. Klokk og Liv-Hilde Ervik Hellevik. Henriksen har gjennom ei årrekke vore økonomi- og administrasjonsleiar i selskapet. Den daglege leiinga vil frå 1. januar ligge i den nye konstituerte leiargruppa.

-Styret vil ta ein fot i bakken i slutten av mai og så tek vi det derifrå, seier Kindervåg Halsne til Radio Sunnmøre. Ho fortel også at det er turane til Israel som avgjer mykje av økonomien til Plussreiser og korleis selskapet vil sjå ut dei neste åra.

Plussreiser skriv i ei pressemelding at Kindervåg Halsne har vore leiar i selskapet i 12 år og ei viktig drivkraft i selskapets utvikling. Ho har blant mykje anna stått i bresjen for ei stor samanslåing av dei tre reiseselskapa SI-Reiser, Sabra Fokusreiser og Ravinala Reiser til merkevara Plussreiser. Det var planlagt at Aud skulle gje seg som leiar i 2024, men ho vart bedd om å stå ei tid til. 

Salmane som bønebok

I Ord til ettertanke på Radio Sunnmøre denne veka er det Randi Fagerhol Lauvås som tek oss gjennom det å bruka Salmane som ei bønebok. Salme 139 er hennar favorittsalme, og i gjennom vekas ord til ettertanke nemner Lauvås nokre av dei salmane som har hatt stor betydning for henne i ulike situasjonar.

Høyr alle andaktene og intervjuet med Randi Fagerhol Lauvås på Radio Sunnmøre.

Ord til ettertanke 8. desember

Ord til ettertanke av Randi Fagerhol Lauvås.

Ord til ettertanke 9. desember

Ord til ettertanke av Randi Fagerhol Lauvås.

Ord til ettertanke 10. desember

Ord til ettertanke av Randi Fagerhol Lauvås.