Radio Sunnmøre

Barnevakten starta for 20 år sidan med ein manns sterke engasjement, og idag er det rundt tredve personar arbeidar med å gje born og unge gode og trygge medievanar. Høyr intervjuet med dagleg leiar Leif Gunnar Vestbøstad Vik om Barnevakten sin oppstart for 20 år sidan, utviklinga og framtidsvisjonar. 

Det er ikkje forskjell på jøde eller greker, i Kristus Jesus er alle ein. Vi har tatt ein prat med Johan Halsne og Arild Ove Halås om kva som står i galatarbrevet i bibelpraten i dag.

I Kvardagspraten denne veka tek vi ein prat med Marit Stokken Berland. Det er mange som lyttar til kveldsmøta på Radio Sunnmøre om kveldane kl.21, og Marit kan fortelje om fleire tilbakmeldingar på møta. I tillegg fortel Marit om tilbakemeldinga frå lyttarar som har fått konkrete svar på forbønsemner dei har fått dele under forbønstenesta som er starta opp hos Radio Sunnmøre.

I helga som var fekk også Marit vere med på IMF Sunnmøre sin historiske Drive-In-Basar som vart ein stor suksess. Høyr kvardagspraten med Marit Stokken Berland.

Laurdag 6. juni var det Drive-In-Basar på 15 ulike bedehus på Sunnmøre, i regi av ImF Sunnmøre. Krinsleiar Johan Halsne er stornøgd med resultatet og engasjementet. Høyr intervjuet her: